ഷവര്മയ്ക്കൊപ്പം നല്കിയ മുളകിന് നീളം കുറഞ്ഞു; ഹോട്ടല് ഉടമയ്ക്കും മക്കള്ക്കും മര്ദനം

മലപ്പുറം: ഷവര്മയ്ക്കൊപ്പം നല്കിയ മുളകിന് നീളം കുറഞ്ഞതിന് ഹോട്ടല് ഉടമയ്ക്ക് മര്ദനം. ഹോട്ടല് ഉടമയ്ക്കും മക്കള്ക്കും ജീവനക്കാര്ക്കുമാണ് ആക്രമണത്തില് പരിക്കേറ്റത്. മലപ്പുറം പുത്തനത്താണിയിലാണ് സംഭവം നടന്നത്.

വയനാട് സ്വദേശി കരീമിന്റെ ഉടമസ്ഥതയിലുള്ള ഹോട്ടലിലാണ് ആക്രമണമുണ്ടായത്. കരീമിന്റെ മക്കളായ മുഹമ്മദ് ഷബില്, അജ്മല് എന്നിവര്ക്കും ആക്രമണത്തില് പരിക്കുണ്ട്. സത്താര്, മുജീബ്, ജനാര്ദ്ദനന്, മുഹമ്മദ് ഹനീഫ് എന്നിവര്ക്കെതിരെയാണ് പൊലീസ് കേസ് രജിസ്റ്റര് ചെയ്തത്. പൊലീസ് സ്ഥലത്തെത്തി വിവരം ശേഖരിച്ചു.